Թուրքիայի պետական նավթային ընկերությունը (TPAO) ծրագրում է Սև ծովում նավթ որոնել անգլո-հոլանդական Shell ընկերության հետ:Դա արվելու է ավելի վաղ միջազգային էներգետիկ ընկերությունների (Petrobras, Chevron և ExxonMobil) նախաձեռնած անհաջող փորձերից հետո: Այս մասին հայտնում է Hürriyet Daily News-ը՝ հղում անելով Թուրքիայի Էներգետիկայի նախարարության աղբյուրներին:
Համաձայն տեղեկությունների՝ TPAO-ն և Shell-ը մտադիր են Սև ծովում նավթի որոնման շուրջ գործընկերության մասին պայմանագիր ստորագրել փետրվարի 14-ին:
Չի բացառվում, որ պայմանգիր կնքվի այլ ընկերության հետ, քանի որ, ինչպես հայտնի է,անցած տարի բանակցություններ են անցկացվել 13 ընկերությունների հետ:
