Google կորպորացիան վարձում է արաբերեն լեզվին տիրապետողների՝ YouTube-ն օգտագործող ջիհադիստական խմբավորումների դեմ պայքարի համար: Այս մասին գրում է The Daily Mail-ը: Թերթը նշում է, որ ինտերնետ-հսկան աշխատանքի է վերցնում մոդերատորների ամբողջ աշխարհից, որպեսզի կանխի իր տեսածառայության վերածումը քարոզչագործիքի:
Ընկերությունը չի նշում նոր աշխատակիցների թիվը: Աղբյուրների խոսքով՝ այժմ յուրաքանչյուր ժամային գոտում Google-ն ունի արաբերեն խոսող և այդ խնդրով զբաղվող աշխատողներ: Պարբերականը հիշեցնում է, որ հորդանանցի օդաչուի մահապատժի տեսանյութը ներբեռնվել է YouTube-ում, որտեղ մի քանի ժամ մնացել է՝ մինչև մոդերատորներն այն ջնջել են:
