Աշխարհի ամենամեծ սոցիալական ցանցը` Facebook-ը, բացում է հատուկ բաժին լրագրողների համար` մեկ տեղում հավաքելով աշխարհի բոլոր լրագրողներին: Կայքի ղեկավարությունը հույս ունի, որ այստեղ լրագրողները կարող են տեղեկություններ փոխանակել մեկը մյուսի հետ, ինչպես նաև լրատվություն տարածել և կապվել իրենց գործընկերների հետ:
Կայքի բլոգում նշվում է, որ Facebook-ի միջոցով մինչև հիմա շատ լրատվամիջոցներ մի քանի անգամ ավելացրել են իրենց լսարանը: Էջը կոչվելու է Journalists on Facebook: Facebook-ի ղեկավարությունը նաև հույս ունի, որ համակարգված այս էջը կդառնա լրատվամիջոցների ներկայացուցիչների «ամենասիրած վայրերից մեկը»:
