Ռուսական պատվիրակությունը մնում է ԵԽԽՎ-ի կազմում, և Ասամբլեան ցանկանում է արունակել ՌԴ-ի հետ երկխոսությունը, հայտարարել է ԵԽԽՎ-ի ղեկավար Անն Բրասերը , հաղորդում է RIA Novosti-ն:
«Մենք պետք է շատ ճշգրիտ լինենք. մենք լիազորությունից ամբողջովին չենք զրկել, նրանք (ռուսական պատվիրակությունը) նախկինի պես ԵԽԽՎ-ի անդամ են, մենք ցանկանում ենք շարունակել երկխոսությունը»,- ասել է նա:
ԵԽԽՎ-ի անցած հունվարյան նստաշրջանում մի շարք խորհրդարանականներ բողոքարկել են ՌԴ-ի պատվիրակության լիազորությունները: Արդյունքում ԵԽԽՎ-ն ռուսական պատվիրակությանը զրկել է ձայնի իրավունքից, դիտորդական առաքելություններում մասնակցությունից, կանոնադրական օրգանների աշխատանքներին մասնակցելուց, միջազգային ֆորումներում ԵԽԽՎ-ն ներկայացնելու հնարավորությունից: Ասամբլեան Ռուսաստանից պահանջել է 24 ժամվա ընթացքում ազատ արձակել ուկրաինացի օդաչու Նադեժդա Սավչենկոյին, Մոլդովայից դուրս բերել 14-րդ բանակը, առաջ շարժվել Լեռնային Ղարաբաղի խնդրի կարգավորման հարցում և չեղարկել «Ղրիմի անեքսիան»: Դրանից հետո ՌԴ-ի պատվիրակությունը մինչև տարվա վերջ լքել է Ստրասբուրգը:
Խոսելով անցած նստաշրջանի մասին՝ ԵԽԽՎ-ի ղեկավարն ասել է, որ «մամուլում արված հայտարարություններից ելնելով՝ նրանք չեն ցանկանում համագործակցել մեզ հետ, դա լուծում չէ»: «Նրանք Եվրոպայի խորհրդի մաս են կազմում՝ ԵԽԽՎ-ի մասը»,- ավելացրել է նա: