Թեհրանի և Իրանի միջուկային ծրագրի հարցով միջազգային միջնորդների «վեցյակի» միջև տարաձայնությունները նվազել են: Այս մասին հայտնում է իրանական IRNA գործակալությունը՝ հղում անելով Իրանի նախագահ հասան Ռուհանիին:
Բանակցությունները «լավ կետի» են հասել, և որոշ խոչընդոտներ, որոնք կային ավելի վաղ, վերացվել են, ասել է Ռուհանին լրագրողներին դատական համակարգի ղեկավար Սադեք Լարիջանիի և խորհրդարանի խոսնակ Ալի Լարիջանիի հետ հանդիպումից հետո:
«Կարծես, նրանք (Արևմուտքը) սկսել են ճանաչել իրանցի ժողովրդի իրավունքները»,- ասել է Հասան Ռուհանին:
