Ալեսանդրա Ամբրոսիոն հայտնվել է Ocean Drive ամսագրի փետրվարյան համարի էջերին և մասնակցել ոճային ֆոտոշարքի. մոդելը հանդես է եկել լողազգեստներով և պարեոյով, գրում է Spletnik.ru-ն:
33-ամյա բրազիլուհին պարբերականին հարցազրույց է տվել, որտեղ պատմել է սոցանցերի հանդեպ իր վերաբերմունքի մասին, ինչպես նաև այն անանուն մեկնաբանողների մասին, ովքեր բացասական արձագանքներ են գրում նրա արտաքինի մասին և կասկածի տակ են դնում նրա ձեռքբերումները:
«Ես դա այլևս լուրջ չեմ ընդունում: Յուրաքանչյուրն իր կարծիքն ունի: Երբ ես տհաճ ինչ-որ բան եմ կարդում, դա ինձ չի հուզում: Դու չես կարող արձագանքել այն ամենին, ինչ գրում են քո մասին»,- ասել է Ամբրոսիոն:
Ալեսանդրան ամեն ինչ հասցնում է. դաստիարակում է երկու երեխաներին, մասնակցում է ցուցադրություններին:
2014 թ. Ամբրոսիոն Ադրիանա Լիմայի հետ միասին ներկայացրել է Fantasy Bra-ն: Շատերը հետաքրքրվել են՝ արդյոք երկու մոդելների մեջ խանդ կամ մրցակցություն չի առաջացել, ինչին Ամբրոսիոն պատասխանել է, որ Ադրիանայի հետ իրենց կարիերան միասին են սկսել Բրազիլիայում, այնուհետև միասին նկարահանվել են Victoria’s Secret-ի համար: Այնպես որ, ուրախ են եղել միասին ներկայացնելու Fantasy Bra-ն:
