Ավանդական ծածկագրային պաշտպանությունը համակարգչի անվտանգության համակարգի ամենաթույլ կետերից է և միայնակ ի վիճակի չէ արդյունավետ հակազդել համակարգի չարտոնված օգտագործմանը, գրում է hi-tech.ua-ն:
Իհարկե կան այլընտրանքային կենսաչափական տեխնոլոգիաներ, ինչպիսին են կակտիլոսկոպիկ ցուցիչները, աչքի թաղանթի սքաներները, ձայնային ճանաչման համակարգերը, սակայն դրանք բոլորն էլ ունեն որոշակի թերություններ: Մեկ այլ հետաքրքիր ուղղություն է, այսպես կոչված, ստեղնաշարային ստորագրությունը: Նույնականացման այդ տեսակը ակտիվորեն հետազոտվում է գիտական աշխատանքներում արդեն մի քանի տարի, և Վրաստանի տեխնոլոգիաների ինստիտուստի մասնագետները Չինաստանի լաբորատորիաների հետ համատեղ ստեղծել են սարքի պրոտոտիպ, որն օգտագործում է ստեղնաշարային ստորագրություն:
Նոր ստեղնաշարը տեքստի հավաքման իր ոճով կարողանում է որոշել օգտատիրոջը: Ի տարբերություն ավանդական ալգորիթմերի, որոնք հաշվի են առնում նշանների միջև դադարները, առաջարկվելիք մեթոդը թույլ է տալիս անալիզի ենթարկել ճնշման ուժը ստեղների վրա:
