Սիրիայի իշխանությունները կոչ են արել համաքաղաքացիներին առաջիկա ուրբաթ գնալ մզկիթներ և աղոթել խաղաղության ու իրենց հայրենիքի հանգստության համար,- հաղորդում է կառավարական SANA գործակալությունը:
Ուրբաթ օրը սիրիացիներին մզկիթներ գնալու կոչ անելով՝ Սիրիայի վակուֆների հարցերով նախարար (մուսուլմանական կազմակերպությունների սեփականության հարցերով զբաղվող վարչություն) Մուհամմեդ Աբդու Սաթթար Աս-Սեիդն ասել է, որ խաղաղության աղոթքը կարվի ուրբաթօրյա աղոթքից հետո երկրի ամբողջ տարածում:
Նախարարը հույս է հայտնել, որ խաղաղությունը կվերադառնա Սիրիա, որը, նրա խոսքով, կգա «թշնամի պոտությունների՝ երկրի դեմ կազմակերպած դավադրության խափանումից հետո»:
Սիրիայի զինված ընդդիմության և կառավարական զորքերի հակամարտությունը շարունակվում է 2011-ի մարտից: Այս ընթացքում զինված պայքարի հետևանքով զոհվել է ավելի քան 60 00 մարդ:
