ԱՄՆ նախագահ Բարաք Օբաման իր քաղաքական ծրագրերն իրականացնելու հարցում ունի Կոնգրեսի հետ փոխգործակցության արդյունավետության վատագույն ցուցանիշն ամերիկացի բոլոր առաջնորդների շարքում՝ սկսած Ջերալդ Ֆորդից, ով երկիրը ղեկավարել է 1974-77թթ.: Դրան ուշադրություն են դարձրել ամերիկացի քաղաքագետներ Դոննա Հոֆմանն ու Էլիսոն Հոուարդը Կոնգրեսին հղված՝ «Երկրի վիճակի մասին» ելույթի նախօրեին: Այս մասին հայտնում է The Wasington Times-ը:
Նրանք ուսումնասիրել են նման ելույթները վերջին կես դարի ընթացքում ՝ սկսած 1965 թվականին Լինդոն Ջոնսոնի ելույթից:
Օբամայի համար 2015-ի ելույթը թվով 6-րդն էր և նախավերջինը:
Քաղաքագետների հաշվարկներով՝ իր նախագահության տարիներին առաջարկներով ու կոչերով է նա հանդես եկել 209 անգամ: Դրանցից 64-ը՝ մոտ 30 տոկոսը, կյանքի են կոչվել:
Կոնգրեսի հետ Օբամայի փոխգործակցության վատագույն տարին եղել է 2013-ը, երբ օրենսդիրներն աջակցել են նրա՝ ընդամենը 2 քաղաքական առաջարկներին: Անցած տարվա ցուցանիշը փոքր-ինչ ավելի լավ է՝ 5 հաջող նախաձեռնություն 29-ից:
