Երեկ ԱՄՆ պետքարտուղար Հիլարի Քլինթոնը, Կոնգրեսի Սենատում զեկույց ունենալավ 2012 թ. սեպտամբերի 11-ին Բենղազիում ԱՄՆ դեսպանատան մասին, կտրուկ հերքել է մեղադրանքները, թե ադմինիստրացիան մտադրված կերպով փորձել է թաքցնել հարձակման մասին որոշ փաստեր, ինչի արդյունքում սպանվել են ԱՄՆ դեսպան Քրիս Սթիվենսն ու մի քանի աշխատակիցներ,- հայտնում է Interfax-ը:
«Ես ուզում էի ասել, որ մարդիկ մեղադրում են (ՄԱԿ-ում ԱՄՆ) հատուկ ներկայացուցիչ Սյուզան Ռայսին ու ադմինիստրացիային այն բանում, որ նրանք ամերիկացիներին գցել են մոլորության մեջ: Ես եղել եմ իրադարձությունների կենտրոնում ու հասկանում էի, թե ինչ է տեղի ունենում, և կարող եմ ձեզ վստահեցնել, որ դա այդպես չէ»,- հայտարարել է Քլինթոնը:
Սենատորներից մեկը մի քանի անգամ նրան հարցրել է, թե ինչու ի սկզբանե ադմինիստրացիան սխալմամբ հարձակման մեղքը գցել է բողոքի ակցիայի մասնակիցների վրա: Դրան ի պատասխան՝ Քլինթոնը զայրացած պատասխանել է՝ «Ի՞նչ տարբերություն», ու բռունցքով հարվածել սեղանին:
Բենղազիի իրադարձությունների մասին պետքարտուղարը պետք է ելույթ ունենար դեռ 1 ամիս առաջ, սակայն հիվանդության պատճառով չէր կարողացել դա անել:
