Կասպյան-եվրոպական ինտեգրման գործնական ակումբի (CEIBC) նիստի ժամանակ, որին ներկա են եղել Ադրբեջանում ԵՄ, Կասպյան և Սևծովյան երկրների դեսպաններ, Թուրքիայի դեսպան Կագան Յըլմազը հայտարարել է, որ 2012 թ. Թուրքիայի և Ադրբեջանի միջև ապրանքաշրջանառությունը կազմել է ավելի քան 4մլրդ դոլար:
2011 թ. 2,1մլրդ դոլարի փոխարեն 2012 թ. Թուրքիայից Ադրբեջան արտահանվող ապրանքների գումարը կազմել է 2,6 մլրդ դոլար:
Թուրքիայի արտահանողների խորհրդի տվյալներով՝ 2012 թ. դեկտեմբերին Թուրքիան Ադրբեջան է արտահանել 228 մլն դոլարի ապրանք, 2011 թ. այդ թիվը եղել է 226 մլն։
Արտահանվող ապրանքների մեջ են մտնում փայտի արտադրանք` 266 մլն դոլար, ցեմենտ` 118 մլն դոլար, թանկարժեք քարեր և զարդեր` 57մլն դոլար, մետաղյա արտադրանք` 204 մլն դոլար, գունավոր մետաղներ` 34 մլն դոլար, կաշվե իրեր` 13 մլն դոլար, այլ ապրանքատեսակներ` 3,4 մլն դոլար, էլեկտրաէներգիա` 275մլն դոլար, գորգեր` 32 մլն դոլար, քիմիական արտադրանք` 469 մլն դոլար, մեքենաների մասեր`198 մլն դոլար, տեքստիլ արտադրանք` 16 մլն դոլար:
Երկու հարևան երկրների միջև ներդրումային ծավալները կազմել են 10 մլրդ դոլար:
