Կանադայում թողարկված 20 դոլար անվանական արժեքով նոր թղթադրամների վրա պատկերված են նորվեգական, ոչ թե կանադական թխկու տերևներ: CBS News-ի փոխանցմամբ՝ այս մասին հայտարարել է բուսաբան Շոն Բլեյնին Atlantic Canada Conservation Data Centre-ից: «Սխալ թխկու» տերևներ են պատկերված նաև 50-դոլարանոց և 100-դոլարանոց թղթադրամների վրա: Այս բոլոր թղթադրամները շրջանառության մեջ են դրվել անցյալ տարվա նոյեմբերին:
Բլեյնիի կարծիքով՝ նորվեգական թխկու տերևները չպետք է լինեն կանադական թղթադրամների վրա:
Կանադայի բանկում նշել են, որ թղթադրամների վրայի տերևները ոճավորված են և արտացոլում են թխկու տերևների տարբեր տեսակների առանձնահատկությունները: Կարգավորող բաժնում նաև ասել են, որ թղթադրամների համար տերևներրի մշակման ժամանակ իրենք խորհրդակցել են բուսաբանների հետ:
Կանադայում արդեն շրջանառվում է 20, 50 և 100 դոլար անվանական արժեքով 400 մլն նոր պոլիմերային թղթադրամ: Նախատեսվում է 5 և 10 դոլար անվանական արժեքով ևս 1.2 մլրդ պոլիմերային թղթադրամ թողարկել:
