Ալժիրի զինվորականները Սահարայի գազի հանքերում հայտնաբերել են 15 հրկիզված դիակ։ Խոսքը երկրի արևելքում գտնվող Ին-Ամանաս համալիրի մասին է, որը չորեքշաբթի օրը հարձակման էր ենթարկվել ահաբեկիչների կողմից։ Այս մասին հայտնում է Reuters Group plc-ը։
Այրված մարմինները հայտնաբերվել են, երբ ահաբեկիչների կողմից առևանգված մարդկանց ազատման համար հատուկ գործողություններ են կիրառվել։ Ներկայումս դիակների ճանաչում է ընթանում։
Մինչ այդ ալժիրյան «Ալժերի Պրեսս Սերվիզ» լրատվական գործակալությունը հաղորդել էր, որ Ին-Ամենասում զոհվել էր 12 պատանդ։
Ներկա դրությամբ զինված գրոհայինները պատանդ են պահում երեք բելգիացու, երկու ամերիկացու, մեկ ճապոնացու և մեկ բրիտանացու։
