ՌԴ-ից Հայաստան ներկրված բնական գազի ծավալները 2012թ. ընթացքում ավելացել են 22.3 տոկոսով՝ կազմելով 1 մլրդ 967.2 մլն խմ՝ 2011թ.-ի 1 մլրդ 609.1 մլն-ի դիմաց:
Նշված ժամանակահատվածում «ՀայՌուսգազարդ» ՓԲԸ կողմից իրացվել է 1 մլրդ 609 մլն խմ, ինչը 4.8%-ով ավելի է 2011թ.-ի համեմատ:
Նախորդ տարվա համեմատ 23.7 %-ով ավելացել են էներգետիկայի և 2%-ով արդյունաբերության ոլորտների կողմից սպառման ծավալները՝ կազմելով համապատասխանաբար 231.9 մլն և 254.7 մլն խմ: 15.4%-ով ավելացել է ԱԳԼՃԿ-ների կողմից բնական գազի սպառումը՝ կազմելով 418 մլն խմ:
Նշված ժամանակահատվածում 1.6%-ով նվազել են բնակչության և 12.1%-ով այլ սպառողների կողմից բնական գազի սպառման ծավալները՝ կազմելով համապատասխանաբար 542 մլն և 162.4 մլն խմ: