Հոգեբանները պնդում են, որ մարդկանց մեծ մասը սկսում են ծխել զվարճանալու համար, և միայն փոքր մասը` նյարդային համակարգը հանգստացնելու նպատակով:
Հետազոտողները կազմել են պատճառների վարկանիշային աղյուսակը, ըստ որոնց մարդիկ սկսում են ծխել:
Պարզվել է, որ հարցման մասնակից 56 տոկոս տղամարդիկ սկսել են ծխել ծխող ընկերների հետ շփվելիս, նույնն են պնդում նաև ծխող կանանց 48 տոկոսը:
33 տոկոս կանայք ծխում են սթրեսի ժամանակ:
Ծխողների 60 տոկոսը վստահ է, որ իրենց նիկոտինային կախվածությունը ձևավորվել է հոգեբանական հանգամանքների արդյունքում:
Եզրակացվում է, որ ծխողների մոտ նախ ձևավորվում է հոգեբանական կախվածությունը, ապա ֆիզիոլոգիականը:
Հասարակության շրջանում ծխող տղամարդն ավելի ընդունելի է, քան ծխող կինը:
