Փեսնսիլվանիայի համալսարանի գիտնականներ Բրայան Դենիելսը և նրա գործընկերները հետազոտություն է անցկացրել Սիրիայի 12 հնագույն քաղաքներում, որոնք այդ երկիրն առաջարկել էր ներառել ՅՈՒՆԵՍԿՕ-ի համաշխարհային ժառանգության օբյեկտների ցուցակում: Աշխատանքի արդյունքները ցույց են տվել, որ 6 հնագիտական հուշարձաններ վերջին շրջանում զգալի վնասվածքներ են ստացել ԴԱԻՇ-ի (Սիրիայի և Իրաքի իսլամական պետություն) հետ դիմակայության հետևանքով, գրում է gazeta.ru-ն:
Որպես հնագույն հուշարձաններին հասցված վնասվածքներ՝ գիտնականները նշում են ծանր տեխնիկայի անիվների հետքերը, արկերի հետևանքով ավերված պատերը և դրանց վրա մնացած անցքերը:
Մասնագետները նշում են, որ ռազմական գործողություններից տուժում են ոչ միայն շենքերը, այլև հնագիտական տեղանքը: Հնագետների խոսքերով՝ տեղանքի ավերումը ոչնչացված պատմական համատեքստ է, առանց որի անհնար է անցկացնել հնագիտական հուշարձանների և նմուշների լիարժեք ուսումնասիրություն:
