ԳԱԼԱ-ն գրում է. Ամենափրկիչ եկեղեցու բակում Գագիկ Ծառուկյանը մեզ հետ զրույցում նախ անդրադարձավ 88-ի ավերիչ երկրաշարժի թողած հետքերին. «Սա վերք է, որը ոչ մի հայ չի կարող մոռանալ, այդ վերքը բաց է, մենք միայն պետք է կարողանանք շենացնել, զարգացնել Գյումրին, որ թեթևացնենք այդ վերքը, բայց միևնույն է, այդ վերքը միշտ բաց է մնալու: Մենք պետք է կարողանանք միասնական այնպես անել, որ մեր երիտասարդ սերունդը երկրաշարժի հետևանքները չհիշի: Հիմնականն այն է, որ նոր Գյումրի վերածնվի: Իհարկե, դա կլինի միայն այն դեպքում, երբ որ ասենք աշխատատեղերը չփակվեն, կրպակներն ու գործարանները չփակվեն, այլ բացվեն, արտագաղթը կանգ առնի, ու գնացածները հետ վերադառնան…»:
Իսկ այս բոլորը, ԲՀԿ առաջնորդի խոսքերով, հնարավոր է, անհնարին ոչինչ չկա. «Հարկավոր է ցանկանալ և միասնական, ազգովի այդ խնդիրը կարգավորել, աշխարհում չլուծվող խնդիր չկա»,- ասաց պարոն Ծառուկյանը: ԲՀԿ առաջնորդը լրագրողների հետ զրույցում ասաց, որ ինքը քաղաքական հարցերի չի ցանկանում պատասխանել: Ամեն դեպքում հետաքրքրվեցինք, թե իր կարծիքով Հովիկ Աբրահամյանն ի՞նչ ի նկատի ուներ՝ ասելով, որ Գ. Ծառուկյանը իշխանափոխության չի գնում:
