Այսօր ՀՀ պաշտպանության նախարարությունում տեղի ունեցավ հանդիպում նախարար Սեյրան Օհանյանի և Տեղեկատվական տեխնոլոգիաների ձեռնարկությունների միության վարչության անդամների հետ:
Բացման խոսքում Սեյրան Օհանյանը ողջունեց հյուրերին և շեշտեց նախարարության և ՏՏ ոլորտի մասնագետների համագործակցության կարևորություն:
«15 օր առաջ ունեցած հանդիպման ժամանակ մենք որոշվել էինք մշակել արդյունավետ համագործակցություն ծավալելու առաջարկություններ: Դրանցից առաջնային են ռազմական տեխնոլոգիաների զարգացումը, համագործակցությունը ռազմամթերքի արտադրության ոլորտում, և երրորդը` զինակոչված ծրագրավորողների և օպերտորների ըստ մասնագիտության օգտագործում»,- ասաց Սեյրան Օհանյանը:
Ելույթ ունեցավ նաև ինֆորմացիոն տեխնոլոգիաների ձեռնարկությունների միության նախագահ Կարեն Վարդանյանը: Հայաստանի ՏՏ ոլորտի առաջատար կազմակերպություններին միավորող և ոլորտի անվտանգության հարցերովզբաղվող ընկերությունը անցյալ տարի կազմակերպել է digitech ցուցահանդեսը և ռոբոտների մրցույթ, որին մասնակցել է 120 երիտասարդ:
«Մեր համագործակցության տեսլականը հետևյալն է. կրթություն, գիտահետազոտական կենտրոնների հիմնում,զենքի արտադրություն և արտահանում»,- ասաց Կարեն Վարդանյանը:
