Չինաստանի իշխանությունները դադարեցրել են շինարարությունների աշխատանքները և կարգադրել են կրճատել գործարանների աշխատանքները քաղաքի բնապահպանական վիճակը բարելավելու նպատակով: Այս մասին երկուշաբթի օրը տեղեկացրել են տեղական ԶԼՄ-ները:
Անցած շաբաթ Պեկինում համեմատաբար խոնավ և առանց քամու եղանակ էր հաստատվել, որի պատճառով էլ օդի մեջ բարձրացել էր մանր չոր մասնիկների քանակը (PM 2.5):
Մայրաքաղաքի բնապահպանական իրավիճակի վատթարացման հետ կապված՝ հատկապես մեծահասակներին և երեխաներին խորհուրդ է տրվել տնից դուրս չգալ: Մինչև երեքշաբթի օրը տարրական և միջնակարգ դպրոցներում հետաձգվել են պարապմունքները: Կիրակի օրը քաղաքի իշխանությունները փակել են 28 խոշոր շինարարական հրապարակներ, կրճատվել են 54 արտադրություններ: Ժամանակավորապես դադարեցվել է Hyundai Motor-ի արտադրությունը:
Մասնագետների գնահատականներով, Պեկինի օդի աղտոտվածության հիմնական պատճաը ավտոմեքենաների քանակն է: Նաև այն, որ Պեկինի հին բնակֆոնդը, ինչպես նաև հարակից բնակավայրերը մինչև այժմ ածուխով են տաքացվում:
Երկուշաբթի օրը Պեկինում PM 2,5 ինդեքսը բարձրացել է 300 միավորից, որը վկայում է մարդու առողջության համար վտանգավոր նյութերի առկայության մասին: Ընդ որում, մայրաքաղաքում վիճակը ավելի լավ է, քան որոշ չինական քաղաքներում: Ամենաաղտոտված օդը գրանցվել է 6 միլիոն բնակչություն ունեցող Լյաօչեն քաղաքում:
