Ամեն տարի Cushman & Wakefield-ը հրապարակում է աշխարհի ամենաթանկարժեք փողոցների ցուցակը: Ահա թե որ քաղաքներն են ընդգրկված վարկանիշային այդ աղյուսակում:
1. Առաջին տեղում ԱՄՆ-ն է: Աշխարհում ամենաթանկարժեքը ճանաչվել է նյույորքյան Upper 5th Avenue-ն: Այս փողոցում մեկ ք.մ-ի վարձույթի գինը գրեթե 30 000 եվրո է: Այստեղ են կենտրոնացած էքսկլյուզիվ բուտիկներն ու նորաձևության խանութները, որոնք թանկարժեք իրերի առևտրով են զբաղվում:
2. Երկրորդ տեղում հոնկոնգյան Causeway Bay-ն է: Այնտեղ մեկ քմ-ի գինը 24 000 եվրո է: Հյուսիսային ծովափին գտնվող այս փողոցում են կենտրոնացած առևտրի կենտրոնները, բարերը և գիշերային ակումբները:
3. Երրորդ տեղում, ինչպես և 2013 թ., փարիզյան Avenue des Champs-Élysées-ն է: Այստեղ մեկ ք.մ-ի գինը 13 000 եվրո է: Ելիսեյան դաշտերը ֆրանսիայի մայրաքաղաքի կենտրոնական փողոցն է: Այստեղ են գտնվում գործարար կենտրոնը, բանկերը, ավիաընկերությունների գրասենյակները, մեքենաների ցուցասրահները, մի քանի թերթերի խմբագրություններ, շատ առևտրի կենտրոններ, կինոթատրոններ, երաժշտական խանութներ, տուրիստական գրասենյակներ և գործակալություններ, ռեստորաններ և այլն:
4. Չորրորդ տեղում նախկինի պես լոնդոնյան New Bond Street-ն է: Փողոցն անվանվել է փողոցի հիմնադրի պատվին, այն լիքն է բուտիկներով, ոսկերչական, հնաոճ իրերի խանութներով: Այստեղ մեկ ք.մ-ն 10 000 եվրո արժե:
5. Հինգերորդ տեղ է բարձրացել սիդնեյան Pitt Street Mall-ը: Ավստրալիայում այստեղ անշարժ գույքի վարձակալության ամենաբարձր գինն է գրանցվել՝ մեկ ք.մ-ի համար շաբաթական 450 դոլար:
6. Վեցերորդ տեղը պատկանում է Միլանի Via Montenapoleone փողոցին: Այստեղ մեկ ք.մ-ն ամսական 8500 եվրո արժե: Այս փողոցում է անցկացվում Բարձր նորաձևության շաբաթը, այդ պատճառով էլ այն լի է թանկարժեք հագուստի, դիզայներական աքսեսուարների, կոշիկի և շքեղության այլ իրերի խանութներով:
7. Յոթերորդ տեղում Տոկիոյի Գինձան է: Այստեղ մեկ ք.մ-ի գինը 8000 եվրո է: Գինձան Տոկիոյի ամենաշքեղ թաղամասերից մեկն է: Սա աշխարհի ամենահեռանկարային առևտրի կետրոններից է: Այստեղ բազմաթիվ մասնագիտացված խանութներ, հանրախանութներ, ռեստորաններ, բարեր, ակումբներ կան:
8. Ութերորդ տեղում սեուլյան Myeongdong-ն է: Կորեական մայրաքաղաքի կենտրոնական առևտրային փողոցը շատ տարածված է երիտասարդության և զբոսաշրջիկների շրջանում: Մեկ ամսում մեկ ք.մ-ի վարձույթը 7900 եվրո է կազմում:
9. Իններորդ տեղը զբաղեցնում է Ցյուրիխի Bahnhofstrasse փողոցը: Դեռ 2011 թ. այն Եվրոպայում անշարժ գույքի շուկայում բարձր գներով առաջին տեղն էր զբաղեցնում: Այստեղ աշխարհի լավագույն ժամացույցների ընտրության մեծ հնարավորություն կա, շատ են եվրոպական էքսկլյուզիվ հագուստի խանութները: Մեկ ք.մ-ի արժեքը ամսական 7500 եվրո է:
10. Տասներորդ տեղում մոսկովյան Ստոլեշնիկովն է, որտեղ մեկ ք.մ-ի արժեքը ամսական 4500 եվրո է: Այստեղ թանկարժեք խանութներ և էլիտար բուտիկներ են տեղակայված:
