Ադրբեջանական 1news.az կայքի հաղորդմամբ, Թուրքիայի և Ռուսաստանի կառավարությունների միջև կնքված անցագրային ռեժիմի վերացման մասին համաձայնագիրն ուժի մեջ կմտնի ապրիլի 16-ից: Այս մասին հայտարարել է Ռուսաստանի արտգործնախարարության մամլո ծառայությունը:
Ռուսաստանի և Թուրքիայի քաղաքացիները, որոնք ունեն իրական համաքաղաքացիական, ծառայողական (հատուկ) անձնագրեր, կարող են առանց անցագրերի 30 օրով մուտք գործել այլ երկրի տարածք կամ անցնել դրա միջով: Ընդ որում, այլ երկրի տարածքում մնալու ընդհանուր ժամկետը կես տարվա ընթացքում չպետք է գերազանցի 90 օրը:
Ի դեպ, աշխատանքային, ուսումնական և այլ նպատակներով արտերկիր մեկնողները, որոնք կարիք ունեն 30 օրը գերազանցող ժամկետով գտնվելու արտերկրում, պետք է իրենց հետ ունենան անցագրեր:
Դիվանագիտական անձնագրեր ունեցողներն անցագրի կարիք չունեն` համաձայն 1999 թվականի նոյեմբերի 5-ին կնքված ռուս-թուրքական միջկառավարական համաձայնագրի:
Հիշեցնենք, որ Ռուսաստանի և Թուրքիայի միջև անցագրային ռեժիմի վերացման պայմանագիրը կնքվեց օրեր առաջ՝ Թուրքիայի վարչապետ Էրդողանի մոսկովյան այցի շրջանակներում: Անցագրային ռեժիմի վերացման մասին համաձայնություն էր ձեռք բերվել 2010 թվականի մայիսի 12-ին։