Հնդկաստանի Ջանտա Դալ քաղաքական կուսակցության ղեկավար Շարադ Յադավը քննադատել է կուսակրոնության փորձը՝ սեքսն անվանելով մարդու հիմնական կարիք: «Երիտասարդը սեքսի կարիք ունի ամեն 15 օրը մեկ»,- ասել է նա, փոխանցում է polit.ru-ն:
Հայտնի է, որ Կամասուտրայի հայրենիքը բարդութավորված երկիր է. սեքսուալ հարցերի քննարկումը կամ այնպիսի դեպքերը, ինչպիսին 23-ամյա ուսանողուհի Ջոթի Սինգհի խմբակային բռնաբարությունն է, կարող են սեքսուալ հեղափոխություն առաջացնել: Առայժմ, սակայն, դրան խանգարում են հոգևոր առաջնորդները, որոնք ավելի շատ համեստության կոչ են անում:
Այսօր Հնդկաստանում սկսվել է բռնաբարության մեջ մեղադրվողների դատը: Նրանք 5 հոգի են, 6-րդին առանձին կդատեն, քանի որ նա անչափահաս է: Երեկ մահացած աղջկա հայրն աջակցել է աղջկա ընկերոջ հետ հարցազրույցը հրապարակած հեռուստաալիքին և հայտնել նրա անունը. նա համարում է, որ եթե իր աղջկա անունը հրապարակվի, դա ինչ-որ կերպ կօգնի բռնաբարության ենթարկված կանանց:
