Ամերիկացի զինվորականները վերանայել են կանոնադրությունը և հեռացրել աֆրոամերիկացիներին կոչելու քաղաքականապես սխալ ձևը: Խոսքը «նեգր» բառի մասին է: Այս մասին հայտնում է Time-ը:
Չորեքշաբթի ԶԼՄ-ները հայտնել էին, որ բանակային կանոնադրության վերջին տարբերակում (AR600-20), որը հրապարակվել էր հոկտեմբերի 22-ին, աֆրոամերիկացի զինծառայողների հանդեպ կիրառվել է «նեգր» բառը, որը ժամանակակից Ամերիկայում համարվում է վիրավորական և ռասիստական: Փաստաթղթի 6-րդ պարբերությունում, որը նվիրված է «հավասար հնարավորություններին», ռասաների մասին կետում «սևամորթ» և «աֆրոամերիկացի» բառերի կողքին եղել է «նեգր» անվանումը:
Հինգշաբթի ԱՄՆ ԶՈւ փոխգնդապետ Բեն Գարեթը պարբերականի հետ զրուցում հայտնել է, որ ամերիկյան բանակը հպարտանում է, որ իր շարքերում բոլորին վերաբերվում են արժանապատվությամբ և հարգանքով՝ անկախ ռասայից, մաշկի գույնից, կրոնից և ծագումից:
Սպիտակ տան ներկայացուցիչ Ջոշ Էռնեստը հայտնել է, որ չգիտի, թե ինչու է այդ բառը դեռևս պահպանվել փաստաթղթերում: Նա ընդգծել է, որ բառը եղել է 15-20 տարվա վաղեմության կանոնադրություններում:
