Դուք խելացի, գեղեցիկ, լավ տնտեսուհի եք, սակայն կյանքը այդպես էլ չի դասավորվում: Ի՞նչն է պատճառը: Եթե ձեզ չի հաջողվում գտնել միայնության պատճառը, ապա Lady.ru-ն կփորձի օգնել ձեզ:
Հոգեբան Յուլյա Կուզմինան կարծում է, որ բացարձակապես բոլոր կանանց մեջ մի բան կա, որը ձգում է հակառակ սեռին, այդ պատճառով էլ ցանկացած կին ներդաշնակության հասնելու հնարավորություն ունի: Սակայն մեզանից շատերը չգիտեն՝ ինչպես դրան հասնել: Իր գրքում հոգեբանը ընթերցողին օգնում է ավելի ճշգրիտ կազմել իր գրավչության բանաձևը:
Փորձագետը մասնավորեցնում է, որ դա հնարավոր է առանց «խեղճ կամ ճակատագրական կնոջ դեր խաղալու»:
Զուգընկեր փնտրող կնը փորձում է հասկանալ, թե որքան արագ և իր համար ավելի քիչ կորուստներով կկարողանա հասնել դրան: Յուլյա Կուզմինան նշում է տարածված այն սխալները, որոնք հաճախ գործում են կանայք:
1. Այն համոզվածությունը, որ դուք բավականին գրավիչ, երիտասարդ, փորձառու չեք, զրկում է ձեզ հարաբերություններ սկսել նրա հետ, ով ձեզ դուր է գալիս: Հոգեբանը խորհուրդ է տալիս թույլ չտալ, որ վատ մտքերը բույն դնեն ձեր գլխում:
2. Պետք չէ միանգամից կապվել առաջին պատահածի հետ. եթե ինքներդ ձեզ ընտրության ժամանակ տաք, ապա կհասկանաք, որ ոչ բոլորն են համապատասխանում ձեզ: Հոգեբանի խորհուրդն է՝ չի կարելի բոլոր տղամարդկանց որպես պոտենցիալ ամուսինների նայել:
3. Տղամարդկանց նկատմամբ նախկին դժգոհությունների և վատ փորձի պատճառով արական սեռի նկատմամբ ագրեսիվ վերաբերմունք է ձևավորվում: Ակնհայտ է, որ տղամարդիկ տարբեր են լինում: Մասնագետը խորհուրդ է տալիս՝ չի կարելի ատել տղամարդկանց, անհրաժեշտ է սիրել նրանց:
4. Իդեալի փնտրտուքները մեզ անընդհատ հեռացնում են արդյունքից, քանի որ բոլորս էլ թերություններ ունենք, իսկ կատարելություններ միայն կինոյում են հանդիպում:
5. Հաջորդ տարածված սխալը շփումներից խուսափելն է: Հաճելի ծանոթություններ ունենալու համար ուղղակի պետք է հաճախ շփվել մարդկանց հետ: Միայնակ մարդիկ կորցնում են շփվելու հմտությունները և հասարակության մեջ հարմարավետությունը: Հոգեբանի խորհուրդն է՝ չի կարելի ինքնամփոփվել և հրաժարվել ուրախ ժամանակ անցկացնելուց:
6. Եթե փնտրտուքները ձգձգվում են, իսկ անհաջողությունները՝ տխրեցնում, ցանկանում եք ամեն ինչ մեկնաբանել անորոշ իրավիճակներով կամ անհայտ պատճառներով: Իսկ դրա հետևանքը իրականությունից կտրվելն է: Պետք չէ հավատալ հիմար կանխատեսումներին, պետք է գործել:
7. Տարածված սխալներից մեկը ամեն ինչից հրաժարվելն է: Կարևոր չէ՝ ձեր կողքին տղամարդ կա՞, թե՞ ոչ: Պետք է հետևեք ձեզ, ուրախանաք կյանքով և ավելի ուշադիր վերաբերվեք սեփական ցանկություններին: Հոգեբանը խորհուրդ է տալիս չտնտեսել սեփական անձի վրա և չարհամարհել ձեզ:
