Այսօր ցանկացած հազվագյուտ շիշ հնարավոր է գտնել համացանցի միջոցով կամ ձեռք բերել աճուրդում: Սակայն ինչպես գրում է style.rbc.ru-ն, ավելի հետաքրքիր է վիսկի խմել այն վայրում, որտեղ այն արտադրվում է կամ այնտեղ, որտեղ դրա բույրի հետ կենդանանում է պատմությունը:
Ներկայացնում ենք ուղեցույց՝ վիսկիի հետ կապվածամբողջ աշխարհում ամենահետաքրքիր վայրերի մասին:
Որքան էլ տարօրինակ է, սկսենք Ճապոնիայից: Այստեղ վիսկի սկսել են արտադրել 1923-ից: Չնայած քիչ ժամանակ է անցել, սակայն այդ ինդուստրիայում Ճապոնիան հասել է հիանալի բարձունքների ու հասել է Շոտլանդիայի վիսկի արտադրողների բարձր չափանիշներին:
Yamakazi գործարանը, որը գտնվում է Օսակայում, առաջին գործարանն է, որտեղ շշալցվել է ճապոնական վիսկիի առաջին խմբաքանակը:
Լուիսվիլը (Քենտուքի նահանգ) հայտնի է ամբողջ աշխարհում իր բուրբոնով ու ձիարշավով: Churchill Downs ձիարշավարանում անցկացվում են Քենտուքիի հայտնի դերբիները: Ձիարշավների պաշտոնականբուրբոնը Woodford Reserve-ն է՝ արտադրված Վուդֆորդ քաղաքում:
Ծագումով Քենտուքիից հայտնի բուրբոնների ընտանիքից է Maker’s Mark-ը: Խորհուրդ է տրվում այն փորձել հին Belle of Louisville շոգենավի վրա: 2014-ին այն կտոնի իր 100-ամյա հոբելյանը:
Մենք այնքան ենք սովորել, որ Jameson-ի շշեր կան ամեն քիչ թե շատ հայտնի բարում, որ հաճախ ենք մոռանում, որայն ունի 18 տարեկան իսկական գանձ՝ Jameson Limited Reserve-ը: Առաջարկում ենք համտեսել այս վիսկին՝ ներթափանցելու համար Հոլուել դքսությունում գտնվող դղյակի մթնոլորտ:
Սփեյ գետի վրա կառուցված չուգունե կամուրջը գտնվում է Macallan վիսկիի գործարանից ոտքով 5 րոպեի ճանապարհի վրա: 1814թ. կառուցված կամրջից հիանալի տեսարան է բացվում գետի վրա: Իսկ թե ինչ վիսկի խմել այս կամրջի վրա՝ անխոս հայտնի է՝ 10 տարեկան The Macallan Fine Oak:
Էռնեստ Հեմինգուեյը այնքան էր սիրում փարիզյան Ritz-ի այս բարը՝ պատված հսկա կաղնու գերաններով, որ նրա մահից 10 տարի հետո բարը կոչվեց նրա անունով: Հեմինգուեյն այստեղ երեկոներ էր անցկացնում իռլանդական Redbreast Single Pot-ով բաժակը ձեռքին
Անգլիայի, Իռլանդիայի, Շոտլանդիայի փաբերի մշակույթի նշանակությանը կարելի է մի ամբողջ կյանք նվիրել: Գիտակները խորհուրդ են տալիս Գլազգոյի ամենատիպիկ փաբերից մեկը՝he Horse Shoe Bar-ը, որն իր անունը ստացել է բարի սմբակի տեսք ունեցող կանգնակից: Այստեղ իմաստ ունի խմել Dewar’s White Label-ը: Ասում են՝ դա ամենից շատ էհամապատասխանում տեղի մթնոլորտին:
Իռլանդիայի Bushmills վիսկիի գործարանում առաջարկվում է համտեսել Bushmills Black Bush:
Bushmillsը, որոշ տվյալների համաձայն, Իռլանդիայի ամենահին՝ վիսկի թորելու գործարանն է: Դա առասպել է, թե իրականություն, սակայն այդ կարգավիճակն ամեն տարի Bushmills-ի նկուղներ է գրավում վիսկիի հազարավոր սիրահարների:
