ԱԺ պատգամավոր Հեղինե Բիշարյանը բյուջեի նախագծի քննարկմանը Աշխատանքի և սոցիալական հարցերի նախարար Արտեմ Ասատրյանին հարց ուղղեց.«Առաջին երեխան հիսուն հազար, երկրորդ երեխան հիսուն հազար, Դուք չեք գտնո՞ւմ, որ պետք է անպայման տարբերություն դրվի, և արդյոք երկրորդ երեխայի համար միանվագ գումարը չենք կարող դարձնել հարյուր հազար»:
Հեղինե Բիշարյանի հաջորդ հարցը գիշերօթիկների հետ էր կապված.«Սոցիալական վիճակը գիշերօթիկներում վատ է, գումարը չի բավականացնում, գիշերօթիկներում ոչ միայն հաշմանդամներր են ապրում, ունենք մինչև երեսուն-քառասուն տարեկան անձինք»: Նա առաջարկեց կառուցել սոցիալական տներ, որտեղ կկետրոնացնեն չափահաս անձանց:
Նախարարը նշեց.«Իհարկե առաջին և երկրորդ երեխաների նպաստների հետ կապված համաձայն եմ, որ պետք է ավելացնել այդ գումարները, այստեղ խնդիըը միանշանակ նորից ֆինանսական է, այսինքն՝ մեր սոցվիալական պաշտպանության ոլորտի բյուջեի մասով միայն նախարարության և սոցիալական ապահովության պետական ծառայության կողմից իրականացվող ծրագրերի մասոց նախատեսված է երեսունյոթ միլիարդ դրամի ավելացում 2015-ի բյուջեում: Կարծում եմ՝ բոլորս հասկանում ենք, որ դա բավականին մեծ ֆինանսական ներդրում է սոցիալական պաշտպանության ոլորտում, որպեսզի մենք կարողանանք սոցիալական պաշտպանության ոլորտում հիմնականում անապահով և աղքատության շեմից ներքև գտնվող մեր համաքաղաքացիների սոցիալական վիճակը թեթևացնել, դրա արդյունքում հինգ հարյուր հազար թոշակառուների համար ավելացնել թոշակը տասնչորս տոկոսով»,-հավելեց նախարարը:
Ինչ վերաբերում է գիշերօթիկ հաստատությունների խնդիրներին, նախարարը նշեց, որ պետական բյուջեով ապահովում է բոլոր պայմանները, որպեսզի այնտեղ գտնվող երեխաները ստանան պետական աջակցություն ամբողջական փաթեթով: Նախարարը նշեց, որ հիմնական աշխատանքները ուղղված են երեխաների՝ ընտանինքների հետ կապի ամրապնդմանը, քանի որ գիշեօրթիկներում հիմնական սոցիալապես անապահով ընտանիքների երեխաներն են:
Ինչ վերաբերում է խնամքի հաստատություններին, նախախարը նշեց.«Իհարկե մենք ունենք այն խնդիրը, որ շուրջօրյա խնամքի հաստատություններում գերբեռնված վիճակ ունենք և այս ուղղությամբ ևս առարկայական քայլեր արվել են, մասնավորապես առաջիկայում նախատեսվում է այս հաստատությունների բեռաթափում և սոցիալ-վերականգնողական կենտրոնների վերափոխվեն: Այս շրջանակներում ենք տեսնում Խարբերդի մանկատան խնդրի լուծումը»:
