«Ֆորմուլա-1»-ի 7-ակի չեմպիոն Միխայել Շումախերը, ով դուրս է եկել երկարատև կոմայից, առաջիկա 3 տարիներին կարող է լիովին ապաքինվել:
Նման կանխատեսում է արել Գրենոբլի հիվանդանոցի բուժանձնակազմը՝ Ժան-Ֆրանսուա Պայենի գլխավորությամբ: Պայենի գլխավորած բուժանձնակազմը զբաղվել է լեգենդար ավտոարշավորդի բուժման գործով ու ծանր աշխատանքի արդյունքում փրկել նրա կյանքը:
«Պետք է համբերությամբ զինվել: Ակնկալում ենք, որ նա առաջիկա 3 տարիներին լիովին կկազդուրվի: Նա լավ պայմաններում է գտնվում, որը կօգնի ավելի արագ վերականգնվել»,- ասել է Պայենը:
Շումախերն այժմ վերականգնողական ծրագիր է անցնում տնային պայմաններում՝ Շվեյցարիայում:
Հիշեցնենք, որ 2013թ. դեկտեմբերի 29-ին 45-ամյա ավտոարշավորդը դահուկներով սահելիս ընկել էր ու գլխով հարվածել քարին: Նա կոմայից դուրս է եկել միայն 2014թ. հունիսի 16-ին: