Ադրբեջանական Turan լրատվական գործակալության փոխանցմամբ՝ այս տարվա հունվար-նոյեմբեր ամիսներին Ադրբեջանում արտահանման ցուցանիշերը 13 միլիարդ 649.9 միլիոն դոլարով գերազանցել են ներկրման ցուցանիշները, ինչը 15.4 տոկոսով ավելի պակաս է նախորդ տարվա հավետու ժամանակահատվածի ցուցանիշից: Այս մասին հայտնել է Պետական մաքսային կոմիտեն:
Վերջինիս հաղորդմամբ՝ 2012 թվականի առաջին 11 ամիսներին Ադրբեջանի արտաքին առևտրի շրջանառության ծավալը կազմել է 30 միլիարդ 538 միլիոն 606 հազար դոլար, ինչը 7.88 տոկոսով ավելի պակաս է՝ նախորդ տարվա հաշվետու ժամանակահատվածի համեմատ: Այդ անկումը պայմանավորված է նախորդ տարիների հետ համեմատ այս տարի նավթի արդյունահանման ծավալի կրճատման հետ:
Արտահանման մասնաբաժինը կազմել է 22 միլիարդ 94 միլիոն 254.4 հազար դոլար (10.34 տոկոսանոց անկում), իսկ ներկրման մասնաբաժինը՝ 8 միլիարդ 444 միլիոն 351.3 հազար դոլար (0.76 տոկոսանոց անկում): Եթե նախկինում արտահանման տեսակարար կշիռը կազմում էր 85-90 տոկոս, ապա այժմ այն նվազել է արդեն 72.3 տոկոսի: Նավթի ու նավթամթերքի մասնաբաժինն արտահանման մե( կազմում է ավելի քան 90 տոկոս:
