Նրան դասական էին համարում դեռ կենդանության օրոք: Նա միակն էր, որ կարողացավ ժողովրդականացնել օպերային արվեստը: Հենց նրա տաղանդի շնորհիվ դասական երաժշտությունը իսկական վերածնունդ ապրեց 20-րդ դարի վերջին:
Արդեն մանուկ հասակում նա սովորել էր հայտնի օպերային ստեղծագործությունների արիաները: Նա զարմանալի արտիստ էր, որը կարող էր համերգը չեղյալ հայտարարել ֆուտբոլային խաղի պատճառով, քանի որ փոքր ժամանակ երազել էր դառնալ ոչ թե մեր ժամանակների մեծագույն տենորը, այլ ֆուտբոլիստ:
Հիանալի դրված ձայն, արևային տեմբր, անհավանական երգեցողություն, բարի սիրտ, այս ամենը վերաբերում է Պավարոտտիին, որն այսօր կդառնար 79 տարեկան:
Ենթաստամոքսային գեղձի քաղցկեղը մեզնից խլեց մեծագույն երգչին:
bigpicture.ru-ն առաջարկում է հիշել նրա կյանքի ամենավառ պահերը:
Իտալացի օպերային երգիչը ծնվել է 1935թ. հոկտեմբերի 12-ին Մոդենայում: 9 տարեկանից հոր հետ երգում էր տեղի փոքր եկեղեցու երգչախմբում: Սակայն նրան շատ էր հետաքրքրում ֆուտբոլը. նա ցանկանում էր դառնալ պրոֆեսիոնալ դարպասապահ:
Երաժշտությամբ լրջորեն սկսել է զբաղվել 1954-ից: Նա միայն այն ժամանակ է լրջորեն գիտակցում իր բացարձակ լսողության մասին, երբ երաժշտության ուսուցիչը, իմանալով ընտանիքի աղքատության մասին, շարունակում է անվճար պարապել ապագա մեծ տենորի հետ:
Նրա կարիերան սկսվում է Եվրոպայի օպերային թատրոններում աննշան ելույթներից: 1977թ. Պավարոտտին ամբողջ աշխարհին հայտնի է դառնում իր վերին ռեգիստորի ուժի և թեթևության շնորհիվ: Նրա «վերին մինչևը» դարձավ յուրօրինակ տարբերանշան ամբողջ կարիերայի ընթացքում:
Այսպես, Տոնիոյի պարտիան «Գնդի դուստրը» օպերայում նրան համաշխարհային ճանաչում բերեց 1966-ին: Նոյն տարի տեղի ունեցավ նրա դեբյուտը Միլանի «Լա Սկալա» թատրոնում Տիբալդի պարտիայով:
Պավարոտիի մենահամերգներին հավաքվում էին հարյուր հազարավոր ունկնդիրներ: Երգչի ձայնի գեղեցկությունը հանդիսատեսին ստիպում էր նրան նորից ու նորից «բիս» կանչել: Համերգներից մեկի ժամանակ ստիպված են եղել 165 անգամ բարձրացնել վարագույրը: Այս դեպքը գրանցվել է Գինեսի գրքում:
20-րդ դարի մեծագույն տենորը մահացել է 2007թ. սեպտեմբերի 6-ին Մոդենայի իր տանը: Նրան թաղեցին ծնողների ու մեռած ծնված որդու կողքին:
