Հատուկ երիտասարդական Bershka ապրանքանիշի համար գերմանացի դիզայներ Յուլե Վայբելը ստեղծել է մի շարք օրիգինալ օրիգամի զգեստներ, որոնք կոչվում են 25 Dresses for 25 Cities, հայտնում է kulturologia.ru-ն:
Դրանք 3 շաբաթ զարդարել էին բրենդի ֆիրմային 25 խանութների ցուցափեղկերն ամբողջ աշխարհում:
Ամեն խանութի համար դիզայներն աշխատել է ընտրել յուրահատուկ դիզայն և զգեստների գունային գամմա:
Բոլոր մոդելները ստեղծվել են ձեռքով՝ շիֆոնից ու հատուկ «թայվեք» նյութից, որը ներառում է թղթի, կտորի հատկանիշներ:
Ամեն նորույթի վրա դիզայներն աշխատել է ավելի քան 10 ժամ: Զարմանալի եռաչափ զգեստները տարբեր գունային լուծումներ ունեն՝ սևից մինչև վարդագույն: Դիզայները ոգեշնչվել է մեգապոլիսների բուռն ու արագ փոփոխվող մթնոլորտից:
Ներկայումս Յուլե Վայբելը Լոնդոնում հիմնել է VIOVIO ltd. ընկերությունը, որը մասնագիտացած է նորաձև հագուստի վրա:
