«Ազով» և «Նիկոլայ Ֆիլչենկով» մեծ դեսանտային նավերը ծովային հետևակայինների հատուկ նշանակության գումարտակով և ռազմական տեխնիկայի մի քանի միավորով Նովոսիբիրսկից ուղղություն են վերցրել դեպի սիրիական Տարտուս նավահանգիստ, երկուշաբթի օրը «Интерфакс»-ին տեղեկացրել է ռուսական գլխավոր շտաբի աղբյուրը:
Նրա խոսքերով՝ «հատուկջոկատայինների վրա է դրված նեղուցներով անցնելիս և նավահանգիստներում կայանելու ժամանակ նավերի անվտանգությունն ապահովելու պարտականությունը»:
«Նավերը Բոսֆոր և Դարդանելի նեղուցները կանցնեն դեկտեմբերի 26-27-ին, որպեսզի դեկտեմբերի 28-ին միանան Սևծովյան նավատորմի հռթիռային «Մոսկվա» և «Սմետլիվի» արագընթաց հածանավերին»,- ավելացրել է աղբյուրը:
«Այս ռազմական նավերը կուղեկցեն «Ազով» և «Նիկոլայ Ֆիլչենկով» նավերին Տարտուսի նավահանգիստ հասնելու ճանապարհին, որտեղ տեղակայված է Ռուսաստանի ռազմածովային նավատորմը սպասարկող նյութատեխնիկական բազան: Անհրաժեշտության դեպքում ռազմածովային նավատորմի նավերը կիրականացնեն ռուսական քաղաքացիների էվակուացումը»,- ասել է գործակալության զրուցակիցը:
Երկուշաբթի օրը Ռուսաստանի ԱԳ նախարարությունը հայտարարել է, որ Ռուսաստանը պլանավորում է իր քաղաքացիներին էվակուացնել Սիրիայից:
Անցած շաբաթ երկու ռուս և Իտալիայի մեկ քաղաքացի հափշտակվել են անհայտ անձանց կողմից Տարտուս-Խոմս մայրուղու վրա: