Բջջային սարքերի ու համակարգիչներ արտադրող թայվանական խոշորագույն Acer ընկերությունը մշակում է 7-դյույմանոց Android-պլանշետ, որի գինը չի գերազանցի 99 դոլարը` գրում է DigiTimes կայքը:
Պլանշետը վաճառքում կհայտնվի 2013թ. առաջին եռամսյակում ու կդառնա ամենաէժաններից մեկը շուկայում` գրում է DigiTimes-ը: Հաղորդագրության մեջ նշվում է նաև, որ գինն իջեցնելու համար Acer-ը պլանշետում օգտագործել է MediaTek ընկերության էժան պրոցեսորը:
Այդ ընկերության պրոցեսորները հայտնի են, մասնավորապես, չինական քիչ հայտնի ապրանքանիշներում օգտագործմամբ:
Ընդ որում՝ սարքերը, որոնցում օգտագործվում են MediaTek-ի չիպեր, աչքի են ընկնում բարձր որակով ու հուսալիությամբ՝ չինական մյուս սմարթֆոնների համեմատ:
Չափազանց էժան պլանշետի թողարկումը շարունակությունն է այն միտումների, որ ավելի վաղ ցուցաբերել էին Amazon և Google ընկերությունները:
2011թ. Amazon-ը ներկայացրեց 199 դոլարանոց Kindle Fire պլանշետը, իսկ 2012թ. հուլիսին Google-ը թողարկեց սեփական 7 դյույմանոց պլանշետը՝ Nexus 7-ը, 200 դոլարով:
