Գերմանիայի մայրաքաղաք Բեռլինի Ցելենդրոֆ շրջանում տղամարդը պատանդ էր վերցրել Deutshce Bank-ի աշխատակիցներից մեկին և սպառնացել պայթեցնել բանկը: Ինչպես հաղորդում է Agence France-Presse-ը, ութ ժամ տևած բանակցություններից հետո ոստիկանությանը հաջողվել է համոզել տղամարդուն ազատ արձակել պատանդին և հանձնվել իշխանություններին:
Տղամարդը ներխուժել էր բանկ և հայտարարել, որ իր պայուսակում գտնվում է պայթուցիկ սարք, որից հետո նա պատանդ էր վերցրել բանկի աշխատակիցներից մեկին, իսկ մնացած 20 աշխատակիցները կարողացել էին փախչել հետնադռնից:
Տղամարդը պահանջել էր մեկ միլիոն եվրո և դեպքի վայրից առանց արգելքի հեռացում, հակառակ դեպքում սպառնացել էր պայթյուն իրականացնել: Արտակարգ դրության վայր ժամանած ոստիկանները շրջափակել էին շենքը և փակել մի քանի փողոցների երթևեկությունը: Գործողությանը մասնակցել էր շուրջ 300 ոստիկան:
Ոստիկանների հետ հեռախոսային բանակցությունների ընթացքում տղամարդը համաձայնել է ազատ արձակել պատանդին, որից հետո իրավապահ մարմինների աշխատակիցները ներխուժել են բանկի շենք և ձերբակալել ոստիկանին: Ոստիկանները չեն հաղորդել` արդյոք տղամարդու մոտ եղե՞լ է պայթուցիկ սարք, թե՞ ոչ:
Գործակալության տվյալներով` ազատ արձակված պատանդը չի տուժել և իրեն լավ է զգում:
Ոստիկանությունը մեկնաբանություն չի տվել հանցագործի անձի վերաբերյալ:
