«Հանրապետություն» կուսակցությունը իր արժեքային համակարգի հիմքում ունենալով պահպանողական գաղափարներ, գերակա համարելով ՀՀ-ի ամրապնդումն ու զարգացումը,քաղաքացիների բարեկեցիկ կյանքի ապահովումը, երկրի համար կարևորագույն խնդիրների շուրջ ժողովրդի համախմբումը`պայքարում է ակտիվ ու արդյունավետ քաղաքական գործունեություն ծավալելու, երկրում սահմանադրական կարգըվերականգնելու և ժողովրդավարություն հաստատելու, քաղաքացիական հասարակություն ձևավորելու, իրավական պետություն ստեղծելու համար: Այս մասին այսօր «Հանրապետություն» կուսակցության համագումարից հետո լրագրողների հետ ունեցած ճեպազրույցում հայտարարեց կուսակցության ներկայացուցիչ Լյովա Եղիազարյանը:
Նա նշեց, որ ՀՀ-ում մարդու իրավունքներն ու ազատությունները պաշտպանելու համար կուսակցությունը կհամագործակցի միայն այն քաղաքական ուժերի, հասարակական կազմակերպությունների ու անհատների հետ, ովքեր կրում են այդ գաղափարները:
Հիշեցնենք, որ այսօր «Հանրապետություն» կուսակցության համագումարին կուսակցության ղեկավար Արամ Սարգսյանը հայտարարեց գալիք նախագահական ընտրություններում իր չառաջադրվելու որոշման մասին:
