Ivona.bigmir.net-ը ներկայացնում է, թե ինչպես է Վիկտորյա Բեքհեմին, Քիմ Քարդաշյանին, Հայդի Քլումին և այլ աստղերի հաջողվել նիհարել ծննդաբերությունից հետո:
Վիկտորյա Բեքհեմ
Չորս երեխաների մայր Վիկտորյան ամեն ծննդաբերությունից հետո արագ վերադարձել է նախկին չափերին: Իր վերջին երեխային՝ Հարփերին, նա ունեցել է 2011 թ. հուլիսի 10-ին և միանգամից իր առջև նպատակ է դրել նիհարել մինչև սեպտեմբերի 8-ը՝ Նյու Յորքի Նորաձևության շաբաթի բացումը: Եվ նա «Հինգ բռերի» դիետայի շնորհիվ հասել է իր նպատակին: Դիետայի իմաստը հետևյալն է. հարկավոր է ուտել օրական հինգ անգամ, և յուրաքանչյուր չափաբաժինը պետք է տեղավորվի մեկ ափի մեջ:
Վիկտորիան ընդհանրապես քաղցր չի կերել, փոխարենը կերել է սպիտակուցներով հարուստ սննդամթերք և բանջարեղեն: Ծննդաբերությունից անմիջապես հետո նա զբաղվել է փիլատեսով:
Քիմ Քարդաշյան
32-ամյա Քիմը Քարդաշյանը ծննդաբերությունից արդեն երկու շաբաթ անց նիհարել է 14 կիլոգրամով: Քիմը երկրպագուներին պատմել է, որ նրան նիհարել օգնել է Աթկինսի դիետան, որի արդյունքում նա մեծ քանակությամբ սպիտակուցներ և քիչ ածխաջրեր է օգտագործել:
Հայդի Քլում
Սուպերմոդելը բոլորին ցնցել է՝ պոդիումում հայտնվելով ծննդաբերությունից արդեն երեք շաբաթ անց:
Քլումի կազմվածքն անթերի է եղել: Ինչպես խոստովանել է մոդելը՝ նրան ավելորդ կիլոգրամներից ազատվել օգնել է ամերիկացի հայտնի ֆիթնես-գուրու Դևիդ Քիրշայի ծրագիրը: Նրա ծրագիրը բաղկացած է ակտիվ մարզումներից և սնվելու հատուկ ռեժիմից: Դրանից բացի, Քիրշը կարծում է, որ իր մեթոդով նիհարելու համար անհրաժեշտ է բացառապես դրական տրամադրություն:
Ջենիֆեր Լոպես
Ջենիֆերը ծննդաբերությունից հետո 18 կիլոգրամ քաշ է հավաքել: Սակայն նրան բավական արագ է հաջողվել դրանից ազատվել:
Երգչուհին 1400 կալորիայից ավելի չի օգտագործել, նրա դիետան կազմված է եղել հիմնականում մրգերից և բանջարեղենից: Ընդ որում, Ջենիֆերն ամբողջովին իր սննդակարգից բացառել է կարմիր միսը, շաբաթական չորս անգամ մարզասրահ և պարի պարապմունքների է մասնակցել: Արդյունքում նա իր նախկին քաշին վերադարձել է ծննդաբերությունից երեք ամիս անց:
Միլա Յովովիչ
Դերասանուհուն հաջողվել է հինգ ամսվա ընթացքում նիհարել 26 կիլոգրամով: Հենց այդքան ավելորդ քաշ էլ նա հավաքել էր ծննդաբերությունից հետո: Նրա մարզիչը հայտնի Հարլի Պաստեռնակն էր: Նա դերասանուհուն առաջարկել է «Հինգ ֆակտորներ» դիետան կիրառել, որը բաղկացած է երեք անգամ սնվելուց և շաբաթական հինգ անգամ մարզումներից:
