Գերմանամկների սիրահարների Կալիֆոռնիայի ասոցիացիայի ներկայացուցիչները կանադացի հայտնի երգիչ Ջասթին Բիբերին մեղադրել են կենդանիների հետ դաժան վերաբերմունքի համար այն բանից հետո, երբ նա գերմանամուկ է նվիրել իր երկպագուհիներից մեկին: Այս մասին հաղորդում է TMZ կայքը:
Միջադեպը տեղի է ունեցել Բիբերի և նրա երկպագուների հանդիպումներից մեկի ժամանակ: Երիտասարդ երգիչը Պակ անունով գերմանամկանը հանձնել է երջանկությունից բղավող երկրպագուհիներից մեկին, որը խոստացել է հոգ տանել կրծողի մասին և «հավերժ սիրել նրան»:
Կենդանիների պաշտպանները պնդում են, որ նման սթրեսը կարող է մահացու լինել գերմանամկների համար, որոնք ծայրահեղ նուրբ արարածներ են:
Չնայած կենդանիների պաշտպանների մտավախության, պարզվել է, որ դաշտամուկն իրեն լավ է զգում. Բիբերի 18-ամյա երկրպագուհին գերմանամկան հետ վերաբերվում է՝ ինչպես «փոքրիկ աստծո»:
Երգիչը որևէ կերպ չի մեկնաբանել իրավիճակը:
