Ճապոնիայի մեծությամբ երկրորդ հեռահաղորդակցության SoftBank ընկերությունը բանակցություններ է վարում ամերիկյան DreamWorks Animation կինոընկերության ձեռք բերման ուղղությամբ: Այդ մասին հաղորդել են ամերիկյան լրատվամիջոցները:
Hollywood Reporter թերթի տվյալներով՝ գործարքի արժեքը կարող է կազմել 3,4 մլրդ դոլար, կամ մեկ բաժնետոմսը՝ 32 դոլար: Սեպտեմբերի 26-ին բորսային վաճառքի փակման ժամանակ կինոընկերության մեկ բաժնետոմսի արժեքը կազմել է 22,36 դոլար:
Ինչպես նշում է Wall Street Journal թերթը՝ DreamWorks Animation-ի մի քանի անիմացիոն ֆիլմեր անհաջողություն են ունեցել վարձույթում, և այն սկսել է զգալիորեն նվազեցնել ֆիլմերի բյուջեն: Ընթացիկ տարվա երկրորդ եռամսյակում ընկերության կրած մաքուր վնասը կազմել է 15,4 մլն դոլար, իսկ այդ ընթացքում ստացած եկամուտը կազմել է 122,3 մլն դոլար:
