Հռոմի պապ Բենեդիկտոս ХVI-ը սուրբծննդյան ծիսակատարությունները կիրականացնի X-XII դարերի հանդերձանքով: Այս մասին հայտնել է Վատիկանի ռադիոն՝ հղում անելով պապի պատարագային ծառայության ղեկավար, մոնսենյոր Գվիդո Մարինիին:
Նրա խոսքով՝ Հռոմի պապն այդ կերպ ցանկանում է ընդգծել իր հարգանքը ավանդույթների հանդեպ: Միջնադարյան գեղազարդ հանդերձանքի վրա ավելի ուշ հայտնվել են նոր տարրեր՝ ոսկեգույն և արծաթագույն ուղղահայաց գծեր, որոնք միասնություն և Արևելքի ու Արևմուտքի եկեղեցիների միջև անքակտելի կապ են խորհրդանշում:
Մարինիի փոխանցմամբ՝ տոնական ծիսակատարությունից առաջ Սուրբ Պետրոսի տաճարում անցկացվելիք արարողությանը կմասնակցեն 10 երեխաներ տարբեր մայրցամաքներից: Նրանք ծաղկեփունջ կդնեն փոքրիկ Հիսուսի արձանի մոտ:
