63-ամյա գլենդելաբնակ կնոջ արագ գործողություններն ու քաջությունը խափանել են 25-ամյա Արամ Համբարձումյանի կողմից ձեռնարկված կողոպուտի փորձը: Այս մասին հայտնում է Glendale News Press-ը՝ հղում անելով իշխանություններին:
Տուն վերադառնալով՝ կինը նկատել է տղամարդուն իր ննջասենյակում՝ սրբիչը գլխին գցած: Սկսված քաշքշուկի հետևանքով կինը գետին է ընկել, սակայն արագ ոտքի է ելել ու բռնել գողի վերնաշապիկից, երբ նա փորձել է իր զարդերով հանդերձ փախուստի դիմել:
Կինն արագ փակել է դուռը՝ արգելափակելով նրա ելքը, և բղավոցով արագ օգնության կանչել հարևանին: Համբարձումյանը ստիպված է եղել վերադարձնել գողոնը: 65-ամյա հարևանուհու օգնությամբ նրանք պահել են գողին մինչև ոստիկանության ժամանումը:
Խուզարկությամբ ոստիկանները Արամի մոտից հայտնաբերել են պտուտակահան, լատեքսի ձեռնոցներ, ածելիներ և ծալովի դանակ: Նա տուն էր ներխուժել խոհանոցի բաց պատուհանից՝ ցանցը կտրելուց հետո: Արամ Համբարձումյանը ձերբակալված է:
