Ռուսաստանի ռազմածովային նավատորմի միջնավատորմային միավորված խմբավորումը, որի կազմում են Հյուսիսային, Բալթյան և Սևծովյան նավատորմերը, մինչև դեկտեմբերի վերջը կանցնի Սիրիայի ափերին գործողությունների իրականացմանը:
Միջերկրական ծովի արևելյան հատված են ուղևորվելու Հյուսիսային և Բալթյան նավատորմերի մարտական զորքերը։ Այնտեղ այժմ գործում է Սևծովյան նավատորմի միավորումը: Դեկտեմբերի վերջին նրանք կհանդիպեն Արևելյան Միջերկրածովյան հատվածում` ռազմական խնդիրները լուծելու նպատակով: Նավերն և նավակները մի քանի անգամ պետք է մտնեն Սիրիական Տարտուս նավահանգստում տեղակայված նավատորմի նյութատեխնիկական բազա: Հնարավոր է նաև նրանց կողմից իրականացվի Սիրիայում գտնվող ՌԴ քաղաքացիների էվակուացումը, եթե նման հրահանգ լինի:
Դեկտեմբերին կարճ ժամանակով ռուսական նավատորմի նավերը կհավաքվեն Միջերկրական ծովի մի հատվածում: Հյուսիսային նավատորմի միավորումը խնդիրների համատեղ մշակումից հետո՝ Североморск ականակիր նավի և Алтай փրկարարական նավի հետ միասին, Սուեզի ջրանցքով կուղևորվի դեպի Հնդկական օվկիանոս` ապահովելու քաղաքացիական նավարկության անվտանգությունը:
Խաղաղօվկիանոսյան նավատորմի ջոկատը, որի կազմում են Маршал Шапошников ականակիր նավը, Иркут տանկերը և Алатай փրկարարական նավը, գտնվում է Հնդկական օվկիանոսի ջրերում` Պարսից ծոցից ոչ հեռու, որտեղ իրականացնում է ռազմական և հատուկ առաջադրանքներ: Իր հերթին Սևծովյան նավատորմը, որի կազմում են Москва հածանավը, Сметливый արագընթաց հածանավը և МБ-304 նավը, Միջերկրական ծովում իր առաջադրանքներն իրականացնելուց հետո, ինչպես նախապես պլանավորվել էր, կվերադառնա Սև ծովում իր մշտական տեղակայման վայրը:
