Տրանսգենդերային նորաձևության Candy Magazine իսպանական ամսագիրը թողարկել է իր 5-րդ համարը, որի շապիկին Նյու Յորքի հայտնի տրանսսեքսուալ մոդել Քոնի Ֆլեմինգն է՝ ԱՄՆ առաջին տիկին Միշել Օբամայի կերպարանքով: Այս մասին հայտնում է Life News-ը:
Սևամորթ հերոսուհուն վարպետորեն դիմահարդարել են և հագցրել այնպիսի զգեստ, որն արտացոլում է Միշել Օբամայի նախասիրությունները: Նշենք, որ առաջին տիկինը շատ ամերիկացիների համար դարձել է ոճի խորհրդանիշ:
Լուսանկարներից մեկում նա պատկերված է ձեռքն Աստվածաշնչին դրած` երդում տալիս, մյուսում՝ ձեռքին ամերիկյան փոքր դրոշ: Լուսանկարների տակ գրված է՝ «Թեկնածու»:
Ամսագրի հրատարակիչ Լուիս Վենեգասը մեկնաբանել է մոդելի սադրիչ ընտրությունը. նրան ոգեշնչել է այն գաղափարը, որ ԱՄՆ հաջորդ նախագահ կարող է դառնալ սևամորթ տրանսսեքսուալ կինը:
Միշել Օբամայի արձագանքի մասին չի հաղորդվում: Սա առաջին դեպքը չէ, երբ առաջին տիկնոջ կերպարն օգտագործում են տպագիր արտադրանքը խթանելու համար:
