Մի շարք եվրոպական պետություններ, այդ թվում Մեծ Բրիտանիան, կվերանայեն դեպի Սիրիա զենքի մատակարարման էմբարգոյի մասամբ կասեցման հնարավորությունը, ինչը թույլ կտա սկսել սիրիական ընդդիմության զինումը: Այս մասին հայտնում է ITAR-TASS-ը՝ հղում անելով Միացյալ Թագավորության վարչապետ Դևիդ Քեմերոնին, որը երկուշաբթի ելույթ է ունեցել բրիտանական խորհրդարանի ստորին պալատում:
«Մենք շարունակում ենք աջակցություն ցուցաբերել ընդդիմությանը, որը ձգտում է իշխանափոխության»,- նշել է երկրի նախարարների կաբիետի ղեկավարը՝ խոսելով սիրիական համակարտության վերաբերյալ ԵՄ խորհրդրի դիրքորոշման մասին:
«Այդ աջակցությունն իր մեջ պետք է ներառի և կներառի դեպի Սիրիա սպառազինության մատակարարման արգելքի վերանայում: Մենք պետք է դիտարկենք ընդդիմության օգնության ցանկացած տարբերակ»,- ընդգծել է վարչապետը:
«Էմբարգոյում ուղղումներ մտցնելը ճիշտ քայլ կլինի: Մենք կպահպանենք այդ արգելքը ռեժիմի հանդեպ»,- ասել է Քեմերոնը:
