Грузия Online-ի փոխանցմամբ՝ ԱՄՆ Ազգային ժողովրդավարական ինստիտուտի (NDI) կողմից նոյեմբերի 14-25-ը ողջ Վրաստանում անցկացված հարցախույզը, որին մասնակցել է 1947 մարդ, վկայել է, որ կտրուկ (ավելի քան երկու անգամ) անկում է ապրել նախագահ Միխեիլ Սաակաշվիլիի վարկանիշը:
Հարցախույզի մասնակիցներին դուր գալու հարցում առաջատարը վարչապետ Բիձինա Իվանիշվիլին է, որին աջակցում է 80 տոկոսը, մինչդեռ Սաակաշվիլիի պարագայում այդ ցուցանիշը կազմել է ընդամենը 29 տոկոս: Ինչ վերաբերում է մյուս քաղաքական գործիչներին, ապա Դավիթ Ուսուպաշվիլիի ցուցանիշը կազմել է 63 տոկոս, Էկա Բեսելիայինը՝ 61 տոկոս, Թինա Խիդաշելիինը՝ 61 տոկոս, Դավիթ Բաքրաձեինը՝ 42 տոկոս, Գիգի Ուգուլավայինը՝ 29 տոկոս:
Հարցախույզի մասնակիցների 63 տոկոսը նշել է, որ ամենաշատն իրենց քաղաքական հայացքների հարցում մոտ է «Վրացական երազանքը», իսկ Սաակաշվիլիի «Միասնական ազգային շարժում» կուսակցությանը աջակցել է 10 տոկոսը: NDI-ի օգոստոսյան վարկանիշում Սաակաշվիլիի վարկանիշը կազմել է 61 տոկոս։
