Սեքս-աշխատակցուհիների` բռնությունից և դաժանությունից պաշտպանության օրը, որը նշվում է դեկտեմբերի 17-ին, արդեն ձևավորվել է սեփական ավանդույթը`«Կարմիր անձրևանոցների քայլերթը» (March of the red umbrellas): Այդ օրը բոլոր նրանք, ովքեր անտարբեր չեն սեքս-աշխատակցուհիների դեմ գործադրվող անօրինականության հանդեպ, փողոց են դուրս գալիս կարմիր անձրևանոցներով,- հաղորդում է Calend-ը:
Կարմիր անձրևանոցը մարմնավաճառությամբ գումար վաստակող կանանց համար ոստիկանության, կավատների, հաճախորդների և երկերեսանի հասարակության դաժանությունից պաշտպանվելու խորհրդանիշն է:
Առաջին անգամ անձրևանոցը`որպես ըմբոստության միջոց, գործածվել է 2001 թ. Վենետիկում տեղի ունեցած սեքս-աշխատակցուհիների առաջին խորհրդաժողովի ժամանակ, որտեղ մի շարք երկրների հնագույն մասնագիտության ներկայացուցիչներ պատմել են, թե ինչպես են ստիպված պայքարել իրենց իրավունքների համար: Հետո նրանք Վենետիկի փողոցներով քայլել են կարմիր անձրևանոցներով և մեգաֆոններով` գրավելով հասարակության ուշադրությունը:
2005 թվից արդեն սեքս-աշխատակցուհիների իրավունքների պաշտպանության եվրոհանձնաժողովը կարմիր անձրևանոցը սկսեց օգտագործել որպես անօրինականության դեմ պայքարի խորհրդանիշ:
