Ամերիկյան Apple կորպորացիան այսօր կայանալիք մամլո ասուլիսի ժամանակ կներկայացնի շատերի կողմից սպասված iPhone 6 սմարթֆոնը: Համաշխարհային ԶԼՄ-ների տվյալներով, որոնք հղում են անում մասնավորապես չինացի արտադրողներն, կներկայացվեն iPhone 6-ի երկու մոդելներ, որոնցից մեկը կլինի ընկերության ողջ պատմության մեջ ամենամեծ էկրանով սմարթֆոնը (անկյունագիծը՝ 5.5 դյույմ):
Apple-ը չի գաղտնազերծում միջոցառման մանրամասները:
Սպասվում է, որ iPhone 6-ը կներկայացվի նաև 4.7 դյույմանոց տարբերակով: Այն կունենա ավելի հզոր պրոցեսոր, բարելավված տեսախցիկ և հզոր մարտկոց: Բացի ադ, նոր սմարթֆոնը կլինի նախորդներից ավելի բարակ և թեթև:
Սարքը կունենա չիպ, որը կապահովի Near Field Communication (NFC) անլար տեխնոլոգիայի աշխատանքը: Հոլանդական NXP ընկերության արտադրության պրոցեսորը թույլ կտա օգտագործել սմարթֆոնը որպես բանկային քարտ կամ նույնիսկ անձը հաստատող փաստաթուղթ: Սարքը կաշխատի iOS 8 նոր օպերացիոն համակարգով:
Ոչ պաշտոնական տվյալներով՝ 4.7 դյույմանոց մոդելը կարժենա 799, իսկ 5.5 դյույմանոց պլանշետաֆոնը՝ 950 դոլար:
Սպասվում է, որ այսօր կներկայացվեն նաև 1.3 և 1.5 դյույմանոց iWatch «խելացի» ժամացույցները:
