Ճապոնիայի «Ֆուկուսիմա» ԱԷԿ-ի մի քանի աշխատակիցներ դատի են տվել ԱԷԿ-ի օպերատոր Tepco ընկերությանը՝ պնդելով, որ իրենց չեն վճարել վտանգավոր պայմաններում աշխատելու համար հավելավճարները: Այս մասին հայտնում է BBC-ի ռուսական ծառայությունը:
4 տղամարդ ցանկանում են ստանալ ընդհանուր առմամբ մոտ 65 մլն իեն (620 հազար դոլար):
Նրանք պնդում են, որ վճարված փոխհատուցումները՝ ռադիոակտիվ մնացորդների հավաքման ու ԱԷԿ-ի վերահսկողության համար, այնքան էլ մեծ չեն՝ հաշվի առնելով իրական ռիսկերը:
Սա առաջին դեպքն է, երբ Tepco-ի դեմ դատական հայց է ներկայացվել կայանի աշխատակիցների կողմից՝ կապված վճարման ու աշխատանքային պայմանների հետ: Օպերատոր ընկերությունը դեռ չի մեկնաբանում իր հասցեին հնչող բողոքները:
