Հայաստանում 1999թ.-ից օգոստոսի վերջին կիրակին հայտարարվել է Սևանա լճի օր: Այս որոշումն ընդունել է ՀՀ բնապահպանության նախարարությունը՝ Սևանա լճի պաշտպանությանն ուղղված ծրագրում ընդգրկելով միջոցառումներ, որոնք կապված են այդ օրվա հետ, այդ թվում Սևանի ափի մաքրում: Միջոցառումներին մասնակցում են բնապահպանականա ու սկաուտական ջոկատներ: Միջոցառումներն անցկացվում են Սևանի Ազգային պարկի աշխատակիցների վերահսկողության ներքո:
Սևանը Կովկասի խոշորագույն բարձր լեռնային լիճն է: Այն գտնվում է 1900 մետր բարձրության վրա. մակերեսը կազմում է 1240 քառակուսի կմ, խորությունը՝ 83 մետր: Լիճ է թափվում 28 գետ, սկիզբ է առնում Հրազդանը (Արաքսի վտակ): Լիճը տեկտոնական բնույթ ունի: Ավազանը տեկտոնական ծագում ունի, իսկ պատվարը վերջերս է գոյացել՝ հոլոցենային լավաների հետևանքով: Սևանը շրջապատված է լեռնագագաթներով. հյուսիս- արևմուտքից Փամբակի լեռնաշղթայով, հյուսիս-արևելքից՝ Սևանի և Արեգունի, արևմուտքից և հարավից՝ Գեղամա ու Վարդենիսի լեռնաշղթաներով:
