Պատժամիջոցները ճնշում գործադրելու և դրսից քաղաքականություն պարտադրելու անօրինական միջոց են, բայց դրանք չեն ազդի մեր երկրների ժողովուրդների վրա, հայտարարել է Իրանի ԱԳՆ ղեկավար Ջավադ Զարիֆը: Այս մասին հայտնում է Ria Novosti-ն:
«Պատժամիջոցները ճնշում գործադրելու և դրսից քաղաքականություն պարտադրելու անօրինական միջոց են և հակասում են միջազգային նորմերին, նաև դրանք ոչ մի արդյունքի չեն հանգեցնի: Խաղաղ միջուկային ծրագրի վերաբերյալ ցանկացած անորոշություն ցրելու համար դրա ակտիվությունը չի նվազել և չի նվազի պատժամիջոցների պատճառով»,-հայտարարել է նա:
Զարիֆը նշել է, որ «եթե պատժամիջոցներ սահմանելու սկզբում Իրանում եղել է 200 ցենտրիֆուգ, հիմա դրանք 20 000-ն են»: «Նրանք կարող են ճնշում գործադրել երկրի ժողովրդի վրա, բայց ոչ ավելին: Կարծում եմ՝ Ռուսաստանի ժողովուրդը ևս պատրաստ է ընդունել այդ ճնշումը իր օրինական իրավունքները պաշտպանելու համար»:
«Սա չի նշանակում, որ մենք հիմա ուզում ենք կռվել աշխարհի դեմ, մենք հիմա բոլոր ջանքերը գործադրում ենք ամենաբարձր քաղաքական մակարդակով Իրանի խնդիրները լուծելու համար: Բայց դա չի նշանակում, որ պատժամիջոցները կարող են ազդել մեր երկրների ժողովուրդների վրա»,- ասել է Ջավադ Զարիֆը:
