Ֆրանսիայի ամենափթթուն շրջանի համբավ ունի Պրովանս-Ալպեր-Լազուրային ափը: Այն միլիոնավոր ծաղիկների և խաղողի այգիների տարածք է: Հենց Պրովանսում է աճում աշխարհում օգտագործվող լավանդայի 80%-ը: Դրանից պատրաստվում է յուղ, օճառ, օծանելիք, կոսմետիկ միջոցներ և այլն: Լավանդայի դաշտերը, որոնք տարեկան մեկ ամիս են ծաղկում, գրավում են նկարիչների, լուսանկարիչների և սովորական զբոսաշրջիկների ողջ աշխարհից:
Շրջանի ևս մեկ խորհրդանիշը բույաբեսի սուպն է: Յուրաքանչյուր հյուր անպայման պետք է փորձի այն: Թանկարժեք ռեստորանում ճաշատեսակի արժեքը 200-400 եվրո է, իսկ սովորական սրճարանում՝ մոտ 40 եվրո: Հարկ է նշել, որ բույաբեսը եղել է աղքատ ձկնորսների ուտելիք, բայց այսօր դրա պատրաստման համար կիրառվում են թանկարժեք ձկնատեսակներ:
