Երիտասարդների մեկ երրորդը պատրաստ է զբաղվածության երաշխիքի փոխարեն գործատուներին իրենց սոցցանցերի հասանելիություն տրամադրել: Այս մասին ասվում է PwC-ի զեկույցում, որի տվյալները բերում է Guardian թերթը:
Հետազոտության ընթացքում ընկերությունը հարցում է անցկացրել 10 000 մարդու շրջանում ամբողջ աշխարհում, նաև HR-գերատեսչությունների 500 աշխատակցի:
Պարզվել է՝ երիտասարդները դեմ չեն, եթե իրենց գործատուներն ուսումնասիրեն իրենց էջերի կոնտենտը սոցցանցերում և բլոգ-հարթակներում, որպեսզի հասկանան իրենց աշխատողների մոտիվացիան: Գործընկերների առաջ իրենց անձնական տվյալները բացահայտել պատրաստ է նրանց 36%-ը:
PwC-ը կանխատեսում է, որ գործատուների կողմից սոցցանցերին հետևելու պրակտիկան ավելի հաճախ կկիրառվի առաջիկա 10 տարում:
